ठगी सपना

हिजो राती , के देखे सपनी , चांदलाई चुमेको । 
कोमल बदन, गुलबी ओठ, यो मनै गुमेको ।। 


झुकाइ माथ , काखमा उनको, एकै छिन सुस्ताउंदा । 
रोपिए बिझ, इच्छ्याका कैयन, मेरी उनी मुस्कौदा ।। 


साथमा उनको,त्यो दिब्य स्वर्ग, ब्युझदा नर्कै भो । 
दुई चार बात, के गरुं भन्दा, संसार अर्कै भो ।। 


सुकेका आँखा, एकपल्ट भिजे, थामीएनन् केइ गरी । 
उघ्रेका दिन, रहेनन् सधैं, फर्कीए त्यै झरी ।। 


ठग्दछन् कती यी मेरा सपना, मै सोझो देखेर । 
धर्तीकै तुच्छ , मै एक प्राणी, के दियो लेखेर ?         

रचनाकाल : २०६१ साल साउन १४ गते बेलुकी ७:२० बजे